كتر الوجع بيهد فيك
كل الي عوزته مكانش ليك
ولا حد كان باقي عليك
بسهوله كله بيخسرك
مكتوب عليك تفضل وحيد
وتشوف حبايبك من بعيد
وكل يوم وجعك يزيد
كل اما تنسي يفكرك
موجوع والحزن ساكن جواك
ومحدش عايز يبقي معاك
حتي الي امنتوا غدر واذاك
ولوحدك عيشت بتتألم
كسروك وسابوك عايش ف عذاب
مش فارقة كلام ولا فارقه عتاب
مش فارقه رجوع ولا فارقه غياب
مبقتش بتحكي وتتكلم
عمرك بيجري معشتهوش
جواك كلام ومقلتهوش
داري الوجع متبينوش
متسيبش همك يكسرك
عايش مابين اربع حيطان
مبقتش حاسس بالامان
وملكش وسط الناس مكان
تايه وحزنك غيرك
مواضيع قد تعجبك
