مش لاقي كلام ينفع يتقال
ولا لاقي اجابه لاي سؤال
من مدة كبيرة ف نفس الحال
ومفيش ولا حاجه بكملها
مش لاقي طريق ينفع امشيه
ومفيش موضوع علشان احكيه
انا واحد حزنه باين ف عنية
من تقل الشيله الي شايلها
علي طول سرحان ف عالم تاني
وحبايبي بتمشي وتنساني
مع نفسي وعايش وحداني
ومحدش يعرف اخباري
بيفوت العمر ويسرقني
ف بحور الحزن مغرقني
والهم ف قلبي بيخنقني
ولا حد بيسأل عن حالي
مش لاقي حبيب يفضل جمبي
ولا حد يداوي وجع قلبي
ولا حد بيسمع لما احكي
واليوم بيعدي كإنه مجاش
معرفتش اكون الي ف بالي
ولا حتي بقيت عارف مالي
مستغرب ايه الي جرالي
مشكلتي بجد اني مبنساش
