والشيطان وسوس هزمنا
قولنا مش ممكن هنبعد
جه بشطارته قلب كلامنا
كنا واحد .. واختلفنا
اتحسدنا من اللي شافنا
واتبنت أسوار ما بنّا
كوم حروب هدت كتافنا
ليه شيطاننا عامينا .. وسبنا الدنيا الدنيا دي تلعب بينا
واللي معانا اتقلبو علينا وبقوا قاسيين
احلامنا اتسرقوا .. في ناس من طينة شر اتخلقوا
واللي حبايب فجأة افترقوا شمال ويمين
لسة باقي .. حب بنا
والا بيروح سنة سنة
خيط رفيع لسة واصل
هو ده الفاصل مابنا
اللي فاضل .. ذكرياتنا
حبة الحلو في حياتنا
بس اهي اسودت قلوبنا
وبكرة نندم عاللي فاتنا
ليه شيطاننا عامينا .. وسبنا الدنيا الدنيا دي تلعب بينا
واللي معانا اتقلبو علينا وبقوا قاسيين
احلامنا اتسرقوا .. في ناس من طينة شر اتخلقوا
واللي حبايب فجأة افترقوا شمال ويمين
هي دي الدنيا وقانونها
كل يوم بنشوف جنوها
دنيا بياعة بطباعها
والشيطان أكبر زبونها
لحظة فرقت في الحكاية
غيّرت تتر النهاية
واللي كان كومبارس صامت
النهاردة بطل رواية
ليه شيطاننا عامينا .. وسبنا الدنيا الدنيا دي تلعب بينا
واللي معانا اتقلبو علينا وبقوا قاسيين
احلامنا اتسرقوا .. في ناس من طينة شر اتخلقوا
واللي حبايب فجأة افترقوا شمال ويمين
مواضيع قد تعجبك
