واخد مليون سهم فقلبي
ومقتول من الاوجاع
والاحزان شدّاني لتحت وصلت
لآخر القاع
جوايا حرب ونفسيتي زفت
وكل دقيقه في صراع
وفي نشرة اخبار الحزن
خبر جرحي بيتذاع
بتكسر جرحي معلم سايب
اثر الهم على قلبي انا انتصر
برضا بنصيبي واقول ده القدر
ما بيسميش
الالم دغدغ في قلبي وخلا اتفرم
والحزن صايع مش محترم
علشان ضربني انا متين قلم
ما بيسبنيش
ضحكتي بس بتطلع لما بكون
بتصور صوره
لكن انا في الواقع ضحكتي
مطفيه ومكسوره
قصتي فيلم دراما
والاحداث كلها مشهوره
من كتر خطورة الاحداث
في مشاهد محظوره
ضحكتي بضحكها بس عشان صُحبتي
متملش او تكرهه قعدتي
بس الحقيقه اني انا دنيتي
سوده وخربانه
منطفي كاره الحياه حابب اني اختفي
مهزوز ومن الصدمات مكتفي
ويا نفسي نفسي فيوم تعرفي
الدنيا كرهانه
متاكد انكو يا صحابي ايوه محبتونيش
بس وجودكم زيي غيابكم
عادي ما يشغلنيش
بعد فراقكم لسه انا اهوه
بتنفس وبعيش
بعدكو عني ده مصدر فرحي
وحاجه متكسرنيش
القسا مكتوب في صفحه ازاي يتنسا
اسم الكتاب صحبه كويسه
بس الكتاب مش من المدرسه
ده كتاب من الدنيا
للآسف ضرباتكو ليه ما بتصبتش الهدف
اخطائكو مش ممكن تتحذف
انا شوفت منكو خيانه وقرف
اسلكو لو ثانيه
حبك مش بيزيد بالعكس
انا حبك جوايا مات
هبعد عنك اكتر وهزود بنا المسافات
مش عايزك في حياتي ولا اصحاب
ولا حتى اخوات
بلكتك من الفيس والواتس
مسحت انا كل الشات
انانيه عندك برود ومريضه نفسيه
علاقه سامه اوي ومؤذيه
شكاكه فعلا مش طبيعيه
انتي خنقتيني
يا شطانه ولا مره قولتي انك غلطانه
حبك ده كان تجريح واهانه
كارهك ومش طايقك بامانه
ابعدي وانسيني
كائن ليلي بحب الليل
علشان مليان بهدوء
بسرح بالتفكير في حاجات
كان نفسي انساها وافوق
بفضل اكلم نفسي وبقولها
اني انا مخنوق
وادعي كتير اني انا ارتاح
او تطلع روحي لفوق
منطوي مبقتش فير انسان مش سوي
مجروح ومن الاحزان مستوي
تفكيري سلبي بببعد اوي
مبقتش احب الناس
القلق سيطر عليا بقيت بتخنق
والفرح قلي لازم نفترق
قدام عنيا العمر اتسرق
وبقيت عايش وخلاص
