معمل تجارب الصحاب
شطّب خلاص بطّل
من كتر اخلاص الكلاب
حبوا الكلاب اكتر
عشان فلوس أو مصلحة
في صحاب بتتفصل
مين فيكوا صاحب من البشر
ما تخانش يتفضل
حللت انا دم صحابي
طلع فاضي ومفهوش سلكان
الغدر لقيته ايجابي
الكذب دا عادي وكلوا شمال
العيب بيقولوا عالعايب
شوفت عجايب من الاندال
ملقتش فيهم ولا واحد
كان في الشدة راجل سندال
فلتروا قبل ما تختاروا
لاحسن تخسروا في صحاب تعابين
يلبسوا طقم الجدعنة
يحلفوا ان احنا غير التانين
تتفاجئ انك كنت مصاحب
شلة من الشياطين
والعين متحبش لاحسن منها
وكله بقى بوشين
الميكروسكوب مش شايف ليه
غير غل ونفسنة
الاخلاص سالب خالص
ناقص فيتامين جدعنة
هديلكم وصفة ياريت تنجزوا
دي الحالة مستعجلة
نضفوا ضمايركوا السوده
انزلوا على اقرب مغسلة
فلتروا قبل ما تختاروا
لاحسن تخسروا في صحاب تعابين
يلبسوا طقم الجدعنة
يحلفوا ان احنا غير التانين
تتفاجئ انك كنت مصاحب
شلة من الشياطين
والعين متحبش لاحسن منها
وكله بقى بوشين
