كلمات اغنية ياسية اسعد البطحري 2021
من راس ياسيه الى روس ياسيه
والشعر يكشف فـ المحبه ملفاته
بغيتها فـ عيـال زايــد رهــاويـه
وعيال زايد دم قلبي ونبضـاتــه
مـن ركنـة الريّس خليفه الاساسيه
يرسم عليها الكـون دورة مساراته
حسب الامور الكـايـده والسيٰاسيـه
سلامة الشعب الابي من سلامـاتـه
ومْحمـد الضـلـع المتـيـن وعــراويـه
رجــل المهمـه مـا نكس عـن مهمـاته
فخـر العـرب واخوان شمى السنافيه
بحر العـرب يصعـب عليهـم مجاراته
فـ ارض الصعيد العالمي والمحليـه
والشعـب مـ الـراحه يمـارس هــواياته
وحـب الهجـن فينـا غــريــزه وراثيــه
نتبع مسـار شْيـوخنـا فــي مــداراتــه
وهجـن الريـاسـه في فعـلهـا رياسيـه
هجـنٍ وضع منصــور فيهـا طمــوحاته
فــ حضـورهـا لـطـم الــرمــوز الرئيسيه
والشيخ بو حمدان سلطـان بصمــاتــه
تجيـب فــ اشــواط التحــدي حساسيـه
شيــخٍ يــروع فـي حضــوره ووقفــاتـه
وسنّــد لبـن زيتـون عــزبــه العمــوميـه
والشيـخ ما خـابـت فـ بو سعيد هقواته
فــ الصبــح نــامــوسٍ ونامـوس عصريه
مـا بـين هــات الـرمـز والسيف ذا هاتـه
والله يــدوم شْـيــوخنـا نــارهــم حيــه
يبـقـى الــوطـن فـي ظلـهـم فوق راياته
