أنا عاشرت ناس ما بتحسش
أوفى ما فيهم ما بيحبش
تلاقيني مبقتش استغرب
بفهم واهرب الناس مبتحلش
شفت الصحاب ما بتحنش
والجدعنة فيلم خلاص فركش
والحب قل قدره
الناس بتغفل لو بس هترمش
أنا شفت الكل بيتخلى
ومفيش حب في الدنيا مُخلد
واللمة بتتفنن وبتتعمد
تجيب الشر لعندك
تمشي في الطيبة هتخسر
واما تبقى شراني الكل يعاملك
واللي انتَ عايزه بس برنة
وهتلاقي الزمايل بتترمى
قلبي من البشرية تلف
دا انا حتى الضحكة واخدها سلف
واليوم بيعدي عندي بسنة
عشان شفت من الصحاب نفسنة
عشان عشت ايام من غير سند
وكان مني للسما
وشكلي اتغير مبقتش انا
لما فهمت ان مفيش امل
دورت كتير زمايلي فين
قلت عادي لعله خير
مش يمكن الدنيا سحلتهم
بصيت في جيبي مفيش جنيه
وعشان كده في الضيقة ما لقتهم
فهمت ساعتها مين على ايه
وان لهو الدنيا واخدهم
عايشينها ضرب في اي بيت
مبقتش خلاص بهتم
مفيش حب انا مش زي الأمس
مبقتش احتاج لمة تجيب هم
وتحدفني ورا الشمس
أنا حياتي حطتني في درس
وسمعتني حاجات متتقالش
والصحاب غاوية تعجزني
وانا مميزني اني مبزعلش
مبقتش خلاص بهتم
مفيش حب انا مش زي الأمس
مبقتش احتاج لمة تجيب هم
وتحدفني ورا الشمس
أنا حياتي حطتني في درس
وسمعتني حاجات متتقالش
والصحاب غاوية تعجزني
وانا مميزني اني مبزعلش
وبلاش احكيلك ايه اللي حصلي
عشان عشمي في الآخر خسّرني
أنا بحس الحظ مخصمني
والوحدة جمبي بتحصلني
كل اللي اتقال في ضهري وصلني
الحلو اللي عملته محسرني
كنت بتمنى الخير للكل
وكلها كانت تستخسر لي
وانا لم ولن انسى
اني اتحطيت وسط ناس أبالسة
ولفيت بردوا انا ما لقيت مرسى
وقلبي دا متلصم باقي لمسة
مكنش بودي اعيش واقسى
فهمت ان الوحدة كانت احسن
من ناس بدلوا حياتي بكارثة
فهمت ان انا غلط عليكم احزن
أنا عاشرت ناس ما بتحسش
أوفى ما فيهم ما بيحبش
تلاقيني مبقتش استغرب
بفهم واهرب الناس مبتحلش
شفت الصحاب ما بتحنش
والجدعنة فيلم خلاص فركش
والحب قل قدره
الناس بتغفل لو بس هترمش
