العالم مش محتاج غير واحد طيب
بتقابله لأول مرة تحسه قريب
مجروح ويداوى جروح الناس ويطيب
ويغيب ويسيب ورا منه اصحاب فاكراه
لو حب يحب كإنه بيملك كل الكون
لو يحكي مع المهموم الهم يهون
الليل بيوزع عاللي يتوهوه عيون
والصبح يوزع عاللي يموته حياة
مسافات تبعدنا ودنيا تاخدنا بعيد
وساعات تعندنا الساعة
وتخلف في المواعيد
مسافات تبعدنا ودنيا تاخدنا بعيد
وساعات تعندنا الساعة
وتخلف في المواعيد
وادي ايد بتقرب تلمس ايد
وادي ايد بتسيب وتودع ايد
وادي ايد تتحط على الجرح تطيب
ده العالم مش محتاج غير واحد طيب
لو طبطب يدي لغيره
صوابع ايده الخامسة
لو يحضن يبني لغيره بيوت
لو يكره ينسى
عالخلق موزع خيره
ويموت لو فكر يقسى
وكإن طيابة الدنيا بحالها شايلها معاه
مسافات تبعدنا ودنيا تاخدنا بعيد
وساعات تعندنا الساعة
وتخلف في المواعيد
مسافات تبعدنا ودنيا تاخدنا بعيد
وساعات تعندنا الساعة
وتخلف في المواعيد
وادي ايد بتقرب تلمس ايد
وادي ايد بتسيب وتودع ايد
وادي ايد تتحط على الجرح تطيب
ده العالم مش محتاج غير واحد طيب
