مافقدتك وحدي فاقدك المكان
اللي دايم تعشق تجي له معاي
كل ماجيته وانا مشتاقلك كان
دوم يسألني عليك وقلت جاي
وين جاي وانت غايب من زمان
جارح احساسي وخاين في وفاي
غارق بخوفي وبك بر الامان
كيف تجرح وآنا سميتك دواي
وانت غيم وهان بعيونك ضماي
ماهقيت تبيع من حبك وصان
ماحسبتك يوم تتركني بعناي
وش بدر مني وانا جيتك حنان
هو صحيح ان العمر احلى بلاي
قول صارحني ولو مره عشان
اقدر انسى مامضى واعرف خطاي
مواضيع قد تعجبك
