لو يرجع تانى الوقت ..
كنت هحكّم عقلى
ولا كنت ف يوم هجاريك .. ولا كنت هردّ عليك
مهما الاقيك مُشتاقلى
لو يرجع تانى الوقت ..
مش هرضى تكون ليّا
وهشوف بعنين تانيين .. لو ترجع تانى سنين
هفرض سوء النيّه
لو كان ف الدنيا حاجات .. حاجات ممكن تتعاد
هرجع لليوم دا أكيد .. وامشى واسيبك فيه بعيد
واجبر نفسى ماحبّكش
لو كان ف الدنيا حاجات .. حاجات ممكن تتعاد
كنت أتمنّى انّى أعيش .. ماشوفكش وماتشوفنيش
كنت أتمنّى ماقابلكش
لو يرجع تانى الوقت ..
ولا كنت اتحمّلتك
ولا من إحساسى ادّيك .. زي ماكنت بعلّيك
كنت أكيد نزّلتك
لو يرجع تانى الوقت ..
كنت أكيد هتأنّى
قبل امّا فيوم اختار .. كنت ابقا لوحدى فنار
ولا جنبك ف الجنّه .
لو كان ف الدنيا حاجات .. حاجات ممكن تتعاد
هرجع لليوم دا أكيد .. وامشى واسيبك فيه بعيد
واجبر نفسى ماحبّكش
لو كان ف الدنيا حاجات .. حاجات ممكن تتعاد
كنت أتمنّى انّى أعيش .. ماشوفكش وماتشوفنيش
كنت أتمنّى ماقابلكش
لو يرجع تانى الوقت ..
كنت هحكّم عقلى
ولا كنت ف يوم هجاريك .. ولا كنت هردّ عليك
مهما الاقيك مُشتاقلى
مواضيع قد تعجبك
