كلمات اغنية فيك يا خطاب مسفر السندوانه 2022
يا هجوسًا يشعل الابداع في راس الفتيله
ولع ابيات القصيد وبلغ الغايب طواري
هاجسي لامن حضر ياتي بالاقوال الجزيله
خص كانه واحدًا فعله يبين فكل داري
فيك يا خطاب مانعرف مهمه مستحيله
كل كايد معك واجهته تحقق لأنتصاري
الكرم يمشي بدمك واضحًا وسط الفصيله
اتداوله المدن و اهل القرى و اهل صحاري
وأنت عادك في بداية عمرك تشيل الثقيله
راسك من المرجله مطنوخ ويولع شراري
ولد رجلًا لاوقف يقدر يعدل كل ميييله
ينزل بعزمه على الصعبه نزول الانتحااري
ياعساه بجنة الفردوس يهنا كل ليله
اشهد انه كان ترحيبه سمع به كل ساري
يدبل الترحيب لضيوفه و لأعيان القبيله
من كثر ماتكرم يمينه على كبار وصغاري
شبهوه ببنك راع الجود كساب الطويله
له رصيدًا بالمراجل عادل البنك اتجاري
يا سعيد النادر اللي موقفك مافيه حييييله
كل ماجات المواقف ينذكر لسعيد طاري
من زحول البطحري اهل المراهيف الصقيله
ال بطحر عزوتًا تاريخها ما هو بـ عااااري
ودي ابارك بعرسك بالشعر و اير شييييله
وارتفعت لمدحكم يا اهل المواجيف الكباري
وفي ختامي يعل عرسك سعد ودروبك نبيله
و الفرح يكسي حياتك من يمين ومن يساري
