ضاق الغمام وفح صدر المزاريب
يا الله بجاهك يا عليم الغيوبي
يا منجيٍ يوسف من الجب والذيب
بحماك يا ساتر خفايا عيوبي
صاحوا تناخوا دوّروا بي عذاريب
تجمعوا ليلة وزا سولفوا بي
أثري مسوي بالقلوب الأعاجيب
وانا مثل وجه السماء نقش ثوبي
ضاق الغمام وفح صدر المزاريب
يا الله بجاهك يا عليم الغيوبي
أنا وسيع بطان راهي مطاليب
ما اضيق لو شانت نوايا دروبي
آرد وأصدر وآخذ العلم واجيب
ماني على طرش الرعاع مْحَسوبي
برّدت كبدي من قراح المشاريب
دوبي رويت من الشهاليل دوبي
خلّيت للحاقد طْشَاش وحثاريب
يتوب ولّا قلعته قلعته لا يتوبي
ضاق الغمام وفح صدر المزاريب
يا الله بجاهك يا عليم الغيوبي
يا يا منجيٍ يوسف من الجب والذيب
بحماك يا ساتر خفايا عيوبي
