كلمات اغنية زحمة وشوش تامر عاشور 2021
زحمة وشوش الوان رتوش
احلام بتنزل علي فاشوش
موجة تعدي تغرقك
صدمة بتيجي تفوقك
ايدين تمد وتلحقك
عصافير وبتروض وحوش
شايفين حياتنا ملونة وزاهية
بس الحقيقة العتمة جوانا
بيوت ورق نفخة هوا تزيحها
برواز بيلمع وصورة بهتانة
الحسبه كام وازاي هنحسبها
في حجات بنخسر لما نكسبها
وحبال نعيش متعلقين فيها
وفي لحظه تجرح ايدنا ونسيبها
دي بيوت وعيلة .. وهموم وشيله
احوال بتتبدل في ليلة
كلام بيهرب للسكات
وبكره يهرب للفات
تاخدنا سكة امنيات
وتردنا الحيلة القليلة
قدام مرايتك قولي شايف مين
وشك بيضحك ولا قلب حزين
سرك داريته عن عيون الناس
بس النهارده شوفت ملو العين
مش كل ابيض شوفته كان واضح
ولاكل اسود جاي وراه احزان
واللي افتكرته نهاية محتومة
اتارية بداية ولسه ف الإمكان
زحمة وشوش الوان رتوش
احلام بتنزل علي فاشوش
موجة تعدي تغرقك..صدمة بتيجي تفوقك
ايدين تمد وتلحقك .. عصافير وبتروض وحوش
