ع كتف مين بهالشتي رح نام
لو ما كنت حدي بعز البرد
انت الوحيد بايدك الاحلام
بتصير كلا مزيني بالورد
✶✶✶
انت ومعي بحب الدني تشتي
ويصير كتفك بالبرد تختي
وشوف الأرض بره حديقة تلج
صير الأميرة العالقة بالبرج
✶✶✶
الله شو بحب التلج لما معي يخليك
اوعى الصبح لاقي البرد خلاني أغرق فيك
واوقف على الشباك أتطلع
خوفي الشمس من مطرحا تطلع
صلي تهالتلجات ما يدوبو
وما يدوب قلبي لما نتودع
مواضيع قد تعجبك
