أيام بتجيب في اخواتها
وغلطات بالكوم عديتها
وبقول معلش في بيتها
هتحمل منه شوية
عمال بيبيع في غناوي
وبشوف من قلبه بلاوي
أتاريه من الأول ناوي
على غدر وناوي أذية
أيام وانا شايله في عيني
واهو ليه فارد دراعيني
وبقول يمكن يراعيني
دا بيخدعني وهو فحضني
دا مفيش زيه خلاص تاني
بيخون وبيستعماني
كذاب ومريض واناني
هيعيش يتمنى يعوضني
هيعيش يتمنى يعوضني
وسلام للي زود همي
دا زمان كان بيجري فدمي
أهو باع السنين ودبحني
وياريت حتى كان بيسمي
دا عشان حبو كان بزيادة
وعشان قولت كله الا دا
أسقيه كل حلو وهو
يسقيني المرار السادة
أيام وأنا شاري وباقي
وبقول هعمل وهلاقي
أتاريه أكبر أعدائي
كان وهم وزرع شيطاني
ايام جوايا بانيله
تمثال وكمان بدعيله
دا شيطان واهو بان تمثيله
وخلاص ربنا نجاني
ازاي احساسي يخوني
وازاي قولت عليه مني
دا عشان لقى نفسه ضامني
كان كل يومين يوجعني
ملعون أبو حبه دا لعنة
خلاه يأذي ويوجعنا
فيها ايه لو هيودعنا
لا مش هنموت ايه يعني
لا مش هنموت ايه يعني
وسلام للي زود همي
دا زمان كان بيجري فدمي
أهو باع السنين ودبحني
وياريت حتى كان بيسمي
دا عشان حبو كان بزيادة
وعشان قولت كله الا دا
أسقيه كل حلو وهو
يسقيني المرار السادة
