الحكاية في مشهدين
الحكاية في مشهدين
قلب قابل قلب حَبه ،
شاف معاه حلم السنين
صَدّق إن الدنيا ضحكت .
تاني مشهد كان حزين
حُبه كان مصدر لـِغُلبه ،
والنهاية بكلمتين
يومها كل الرؤية وضحت .
والنصيب بيشيلها دائمًا ،
كل حاجة نقول نصيب .
حِجة القاصد يِجرّح ،
واللى عايز يوم يسيب .
اللي كان يِحلِف بِحُبه ،
كان كلامه يادوب كلام .
ليه بيكدِب ولا يوعِد ؟!
ليه يقرب وفجأة يبعد ؟!
غاب ومش ممكن يغيب
زر الذهاب إلى الأعلى