البوصلة ضاعت في المحيط
رسمت الطريق من اول وجديد
التشابه بين الفجر وغروب الشمس
بالنسبالي كان شيئ غريب
حياة وموت زائد سالب
بين الاتنين انتي في عالم تالت
عمر طويل بس في ثانية خانك
لو رجعت بينا زي ما كانت
بصيت لفوق عملت فحص
موّت جوّة نفسي كذا شخص
مافيش حد فينا ما بيغلطش
انا وضميري في مسابقة رقص
انا بحاول افتكر كل الليالي
اللي ساحت في بعض
ايامها دنيتي كات سهلة
بس انا اللي فضلت مصمم عالصعب
بحر كبير مش عامل صوت
نور القمر سايح على الموج
بنموت من الخوف ونخاف من الموت
كلها شوية ونطلع على فوق
دا اللي عندي دا اللي عندي
ناس كتيرة ما بقتش جنبي
هما المفروض كانوا يشيلوا عني
مبين لهم ان الدنيا بمبي
عايزين يقروني زي الكتاب
ف إديت لنفسي شوية تعليمات
وش بدون اي تعبيرات
مطبات، ملفات
الناس دي عاملة زي البلالين
حابس جوة نفسي مساجين
وسط الزحمة نسيتلك انا مين
حاسس اني لوحدي وسط الملايين
ملامحي اختفت مخي ابتدى يسيح
والبطاقة طارت مع الريح
مفيش مستقبل مفيش تاريخ
في دلوفتي عايز اعيش
عايز اعيد عايز اتحول
باقولها كتير وبتتفوت
عايز احس ان في شخص اتكون
عايز العبها تاني من الاول
مصيبة لو فضلنا زي ما احنا
قضينا وقت طويل ليلاتي بنحرق
بدأت اتغير وانا في نص الرحلة
فهمت نفسي وانا في قلب الوحدة
بنيت لنفسي مراية جديدة
شمس بعد ليلة طويلة
جِهزت وطلعت عالسفينة
بس الدنيا دي غريبة
اصل البوصلة ضاعت في المحيط
رسمت الطريق من اول وجديد
التشابه بين الفجر وغروب الشمس
بالنسبالي كان شيئ غريب
حياة وموت زائد سالب
بين الاتنين انتي في عالم تالت
عمر طويل بس في ثانية خانك
لو رجعت بينا زي ما كانت
بصيت لفوق عملت فحص
موّت جوّة نفسي كذا شخص
مافيش حد فينا ما بيغلطش
انا وضميري في مسابقة رقص
انا بحاول افتكر كل الليالي
اللي ساحت في بعض
ايامها دنيتي كات سهلة
بس انا اللي فضلت مصمم عالصعب
