كلمات اغنية أبغاه الحين غريب ال مخلص 2022

اعشقه بين الخلايق
مَ احتمل بعده دقايق
كاتم احزاني و ضايق
يوم عنّي غاب

غالي ٍ يا ناس غالي
واتبعه كنّه ظلالي
من فقدته ما بقى لي
غير همس اعتاب

بعده مْغيّر نظامي
صمتي اكثر من كلامي
والسهَر كدّر منامي
والهوى غلّاب

فوق الغياب ذكرى تبكيني واتنرفز الاشواق
اشتقت له شوق ماهو عادي و الحال ما ينطاق
والوضع ما ينطاق

ابغاه الحين وين اللقا به وين
بدونه يوم متعقّد و مهموم
يا ليت يْبين وايجف دمع العين
انا له دوم والحب له وايدوم

يا ناس سْنين وانا بقربه لين
تركني يوم من موقفه مصدوم
الخاطر شين واللي عرفته زين
رسمت حْلوم تحقيقها معدوم

عمري الفاني بعشقك كلّه افنيته
قلبي العاني عشانك زود عنّاني

انت واحد بين واجد لي تمنّيته
وانت واحد ما يجي فالقلب له ثاني