كلمات مهرجانات

كلمات مهرجان قولي طب اوكا واورتيجا

كلمات مهرجان قولي طب اوكا واورتيجا

انا عايز اعرف بتزعق لمراتك كام مرة في اليوم
كام مرة شخطت فيها وقولت كلام مالهوش لزوم

شوف كشرت كام تكشيرة اول ما بتصحى من النوم
اصطباحة زي الفل من وشك اول ما تقوم

اللي لسه متجوز واللي عنده شوية عيال
الاتنين في البيت يتخانقوا والزعيق في البيت شغال

بيتلكك ع الحاجات التافهة يرزع في البيبان
ومراته مستحملاه رغم ده كله وبتتهان

هو شايفها كائن ضعيف ومستقوي بالحنجرة
عايزها تحت امره وتمشي زي المسطرة

لو صحابو جم عنده في البيت بيعمل عنترة
بتحس ان هو لاسع والحالة متأخرة

اي حاجة تيجي تعملها يحلف هو بالطلاق
ماهي بقت لبانة في بوقه زي ما العيل بيقول واء

هو مش حاسس باللي بيعمله في قمة الغباء
عايز يبق هو الموجود في البيت هو السواق

قولي طب قوليلي طب
مين اللي نقل الفولدر ده على الديسك توب
لا لا شوفتي دي اخرة الحب

يا سودة يا سودة لا لا استوب
وانا اعمل ايه دلوقتي

هي مش من الرجولة انك تقسى على الحريم
كل التفكير اللي بتفكره ده تفكير عقيم

خليك حاططها جوة عينك انت كده في السليم
عيش انسان مثالي ليها متبقاش انسان لئيم

هي مراتك اللي بجد مش هتلاقي كتير زيها
عايزة حد يستحملها عايزة تشوف راجل جنبها

الحب الأول والأخير ولا قبلها ولا بعدها
مش عايزة حد كل شية يكسر قلبها

اوعى تكسر قلب واحدة عايشة بتحبك بجد
هي لو مشيت من عندك مش هتلاقي اي حد

يقف جنبك يحس بيك هتلاقي الدنيا سد
والحضن اللي كان بيدفيك هتلاقي مكانو برد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: