اغاني مصريةكلمات الاغاني

كلمات اغنية ماعندكش فكره وردة الجزائرية

كلمات اغنية ماعندكش فكره وردة الجزائرية

ماعندكش فكرة هواك قد إيه بيهدى زمانى هنا قد إيه؟
وماعندكش فكرة رضاك قد إيه بيغنى حياتى غنا قد إيه؟
وماعندكش فكرة أنا إزاى في حبّك بضحي كتير
وبنسى عشانك قلوب ناس تدوب ومنك تغير

بحبك لوحدك من الدنيا ديا كأنك هواها ونورها وزهورها
ما هو إنت هوايا وأول منايا وآخر منايا ياللي معندكش فكرة
ما هو إنت هوايا وأول منايا وأقول بس إيه معندكش فكرة
أيوة يا أحلى الناس في عنيا أيوة يا أغلى الناس أيوة
أيوة يا أحلى الناس فى عنيا أيوة يا كل الناس
أنا إحساسي بحبك أكتر من كل الإحساس
فوق الحب بحبك حب عجيب وغريب
لو قسموه على كل جراح الدنيا تطيب

وإنت هقولك مين في حياتى ما إنت أحب سبب لحياتي
إنت ظل في صيف أيامى إنت .. وأنت نجم في ليل أوهامى إنت
وإنت اللحن اللي في أنغامى إنت
وإنت اللي بقولك يا غرامي
حبيبي حياتي وجودك بيملا عليا الوجود
ويخلق قصادى من الشوك ورود
ويفتح لي عالم مفيش له حدود

حبيبي حياتي يا ريتك تشوف روحك إنت بعيوني
عيون المحبة اللي فيك دوبوني عيوني
تشوف إنت عندي حبيب قد إيه
تشوف إنت مني قريب قد إيه
تشوف اللي فاتني أقولك عليه
وإيه السبب تشوف حب أعجب كمان من العجب
ده أنا لو مفيش لأجل أحبك سبب
هعيش برضو أحبك لأنك حبيبي

أنا جنب منك بحس بأمان كإن في إيديا الوجود والزمان
ومهما يلومني هقولك كمان
إنت ظل فى صيف أيامي إنت
وإنت نجم في ليل أوهامى إنت
وإنت اللحن اللي في أنغامي إنت
وإنت اللي بقولك يا غرامي

مقالات ذات صلة

اترك تعليقاً

لن يتم نشر عنوان بريدك الإلكتروني.

إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: