كلمات اغنية بهجة العيد صالح الحرسوسي 2022
العيد بهجة مالها ذوق دونك
خـلّيتني زعلان ومزعّل العيد
أنشهد أن العيد شوفةْ عيونك
لمسـةْ يديك وبسمتك والتودّيد
خالي مكانك من غــواك وفتونــك
حتى ورودك صار فيها تجاعيد
اشوف رقمك وانتظر تيلونـــك
نبضات قلبي كل لحظه لك تزيد
تخنقني العبره وانا في شوونك
كـنّي على رجـوى عطايا الاجاويد
كلهم ترى يبطـــون ما يشبهونك
وصفك عجب ماله منافس وتحديد
كل الجوارح يطلبوني يبونك
وأكتم شعوري عن عيون الحواسيد
قلبي وعقـلي والفكر يعشقونك
ياهي بلـيّـه كلّهم لك مواديد
كلهم جماهيرك ضحيّة جنونك
ويطالبوني فيك وصل ومواعيد
إرجع تراه العيد مجروح دونك
وانا جريح العيد يا بهجة العيد
