مهرجانات

كلمات مهرجان صحابنا الي باعونا بوده محمد

كلمات مهرجان صحابنا الي باعونا بوده محمد

القلب خالي
ماليش حد غالي
ولو يوم هحب
هحب بس هحب حالي

ايامي الي جايه
هعيش بس ليا
علشانكوا جيت علي نفسي ياما وبعتوا فيا

حبكم كان ليا
كدب وتمثليه
لا بجد شابوه مثلتو الدور ودخل عليا

ليه خونتو الامانه
ليه غاوييين خيانه
ليه كل اما صاحب ناس بلاقيهم خلق جعانه

بجد ابقا خايب
لو احب الي سايب
يغور القلب لو كان في الي بايعني دايب

مش هنسا الي خان
بعد ماخد امان
مش هصفا ليه لو عدا ١٠٠قرن وزمان

يا صحبه ازازه
ليه خونتو ولماذا
ده طبع الرجوله من عرئكم واخد اجازه

ياساتر عليكو
م الغل الي فيكو
ده صفاركو بان وقت الهزار جوه في عينيكو

الفرح مخاصمني
والحزن مجاملني
طب اشمعني انا يزمان لئيم علي طول ظالمني

بصحا وانام بدمعي
يادنيا طفيتي شمعي
ومن الهموم بشرب سموم واحرق في دمي

يلي بتحسدو فينا
فينا الي مكفينا
دي ماشيه بالزق وكفايه نق ونبر علينا

ده عنيكو البصاصه
عايزه فيها رصاصه
حاسبين رزقي الي داخلي وكاتبينه في كراسه

عشان ايه تبيعوني
والنبي فهموني
كسبتو ايه غير انكو في قلبي جرحتوني

كنت فيكو شايل
متعدو الجمايل
انا ليا عندكو الف جميله وبالدلايل

بعتي في الي شاريكي
بس هثبت ليكي
ان انا كنت نعمه كبيره ضاعت من ايديكي

بكره تيجي عيزاني
تطلبي رجوعي تاني
لما تقعي في غيري ويخليي بجد تعاني

يلا باي باي ليكو
روحو ربنا يراضيكو
من بعدكو هتعايش اصل حياتي مش واقفه عليكو

باي في الفين داهيه
مانتو جبتو الناهيه
يلا بالسلامات مانتوش اخوات
روحو شوفوا ناس تانيه

ف الشده اتنين تلاته
والباقي خيال مأته
بقينا ف زمان الكل عامل انه جاتا

ف الكدب تاخدوا جايزه
لا براڤو اساتذه
شاطرين اووي ف المحلسه
ياعالم ابلسه

حياتي مسرحيه
ودور الضحيه
ديما يسيب الكل ويجي يختار فيا

م الهم الي فيا
نفسي بتصعب عليا
لو مش حرام هدبحني واسيب الدنيا ديا

وعيشك وملحك
وفرحك وجرحك
مشوفتش حلاوه بالشكل دا
من يوم ماعرفتك

حبك شئ اللهي
بعشقك والله
يومي مبيكلمش لو مشوفتكش
حتي ثواني

مفيش حد صالح
كلو بتاع مصالح
لاكن فيه الحقيقه صالح ذات نفسه
طلع مش صالح

معاك كاش في جيبك
تلقي كله حبيبك
ممعكش بس تلف ضهرك كله يعيبك

صحابنا الي باعونا
وربنا خسرونا
بكره هيندموا ف غيابنا
ويجوا يكلمونا

الي راح ومجاش
بعده مهزناش
احنا بننسي عادي
لكن مبنتنساش

مواضيع قد تعجبك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى