كلمات مهرجان رزمن ياصحبي شوية كريم كرستيانو 2021
رزمن ياصاحبى شويه
انت اتحسبت عليا
كدا عيب عليك ..
بشيلك فى وقت الضيقه
ومتقفش جمبى دقيقه
ليه النقص فيك ..
اديت لصاحبى امان
ومجاش فى بالى اتخان
ولقيتنى فجأه بضيع ..
عيشك وملحك هان
دا مكنش سم فيران
علشان فى بعض نبيع ..
فى ضهرى تغزنى
ليه مش بتحبنى
احب بجد أقولك
ان انت خسرتنى ..
عملت معاك بدع
لكن قلبى اتوجع
ماشفتش فيك رجوله
وكارف على جدع ..
انا وسط ناس بياعه
مبيرفعوش سماعه
غير ع الفلوس ..
لو احتجت مره زميلى
بيقلب ومش بيجيلى
اه من النفوس ..
بزرع فى ارضى اصول
بيموتو المحصول
واذونى ياما كتير ..
سندال فى دنيا شمال
عمال بشوف فى عيال
مابيعرفوش تقدير ..
وعيشكو وملحكو
اونطه كلكو
ماشفتش فيكو سالك
عشان أسلكلكو ..
فى ضيقتى اتبخرو
عليا اتغيرو
لكن وقت المصالح
فى ثانيه بيحضرو ..
نص الازاره شاربها
شفت الصحاب على عيبها
ولقيتنى فجأه صريح ..
برمى فى كلام يوجعهم
طلبت معايا اسمعهم
مبدأ بجد قبيح ..
مانا لو مركب بوش
او كنت حاطط روچ
كانو هيشوفونى قوام ..
ياخساره ع الجدعان
ماشيين ورا النسوان
و البركه فى الريكلام ..
هغور من وشكو
وهبعد عنكو
انا استاهل لأنى
بجد اخترتكو ..
عيال مستهلسه
ولازم تتنسا
دانا فى منهج رجوله
بعلم مدرسه ..
انا قلبى سايبو فى حفره
مانا وسط عالم كافره
مابيرحموش ..
لو عشت بينهم طيب
هفصل فى كفنى قريب
انا بين وحوش ..
همسك فى ايدى رشاش
ع الدوغرى مابيفضاش
وهصفى كل الناس ..
انا م الليله دى غريب
وماليش عزيز وحبيب
انا فاقد الاحساس ..
ملقم طلقتى
ولسه بصحتى
نصيحه ياخصمى منى
متجيش على سكتى ..
هروح فيك الحديد
اسمع منى المفيد
انا اتربيت فى عنبر
بقالى سنين بعيد ..
مهو لو على المرازيه
انا بلدى الاسماعيليه
ع الدوغرى مبجليش ..
فتحت عينى فى دوله
متهيبش اى عتاوله
تندبنى مش هتعيش ..
