انا المهتمة بالتفاصيل في كل حاجة بتخصّك
هتاكل ايه وتشرب ايه، وبختارلك كمان لبسك
انا الصاحية ف عز الليل لأي حجة بتمسّك
ولو بتقول حبيبي الآه، مشاعر قلبي بتحسّك
انا اللي ساعات تقول عنها انها خنقاك
في كل مكان تلاقيها كأنها ضل ماشي وراك
انا اللي ناسية دنيتها، وعايشة حياتها لسيادتك
انا اللي حبيبي سعادتها بتكمل بس بسعادتك
انا اللي عودت روحها على طبعك وعلى عادتك
بتدّلع؟ ما تدلّع! مانا اللي حبيبي عودّتك
انا اللي ساعات تقول عنها انها خنقاك
في كل مكان تلاقيها كأنها ضل ماشي وراك
انا اللي بتشتكي منها، لكن عنها متستغناش
انا اللي الدنيا من غيرها متبقاش دنيا ولا تتعاش
من ألبوم: مهتمة بالتفاصيل 2017
كلمات: أمير طعيمه
ألحان: إيهاب عبد الواحد
توزيع موسيقي : النابلسي El Nabulsi
