كلمات تراك المطاردة غناء عاصم مع أمير نشأت مكتوبة
كنتي بعيده بس انا , قاطع عليكي من زمان
كل دي كانت اوهام
فوق السما في السحاب , بنتقابل في اوقات
ماحدش غيرنا يحسها
بقيت متلغبط , بعمل مع نفسي صفقة
*دماغي ارتاحي النهاردة*
*مش وقته اعيش مطاردة*
*خالص*
حافظ الديت , ف بتداري ليه؟
باجي في وقتي ظابط ال ايم اللي اختياري عليه
ظرفي طارق عليه عنوانك احمر وازرق الجوانب
تحت السما الكحلي في شتا كالح قولتيلي
*مش هنكمل , مابقاش نافع نحاول*
وكلامي مش متجمل , مافيش طاقة اقاوح
الزرع طرح , والشوك وقع
جوا السيما جو قوس قزح , وصوت فرح
جوايا , بدل صوت رخم كنت هتطرش
فان جوخ طريقي حلبة وراسم الفينيش
مش فاكر
الالوان دي باهتة , صورة بتتكلم بكسرة
فاكر بيننا اول مقابلة اول شارعنا , بالمناسبة
قلبي طار , والقفص كان المطار
بس الطريق لقلبك كان مش سالك في اعصار
وكان اوشك ,عالنهاية بقسوة
رجعت للمجاري ماية فاترة
في التسعين نهيتي كل حاجة
افشة
مفتاح قلبي في ايدها فاضل تكة
وانا لسه بصافح بابها
فهمت , عدت مرات اكتر مالكلاكيت
في اللوكيشن , نورك غطى عالجيستس
افتكريني لو عجزت , انا النجم , لو غيبت في الشوت
في الكوتشينة يا البنت , انا الولد بقش عالكل
في دماغي حاجة , ياريت تكون غلطة
اكيد مش كدبة منك , مش هتبيعي النهاردة
المشهد في خيالي بيتعاد بس الصورة صامتة
كانت عملية سهلة , بس الحالة طارئة
انتهت بالفشل , لو كنت متأكد بالأمل ,لأ
بكتب اغنية بجد وبتكتك بالقلم ده
جوايا مالتفتش لسه متمسك بالقش
بقلب ساعة الرمل وبكرر في الوقت
زي اديسون
اي حد حبه جوا مني حابسه
دماغي دي السجن وعقلي ده السجان بنفسه
قلبي طالب فاشل ديما مايذاكرش درسه
ف بيشيل امتحانه اللي في نفس المكان ده دفسه
ماتحركش خطوة , سلم المجد بيقرب
ايه مانعني ؟ زي مايكون السلم ده كله مكهرب
وانا ادوس حافي وجسمي مبلول
ميت من جوه بس فعليا مقتول
وكان في شغف لسه عايش منه جزء
لولا اني باقي على حلمي انا كنت مُت
كنت محتاج نضارة للنفوس , كنت شوفت
ايه اللي مستخبي في النفوس دي من الخبث
كل الحاجات دي , بتعدي زي
ماكون متأكد , ان وقتي , لسه جي
تضمن وجودي ديما تمشي في أي
وقت وترجع لما انساها بس خالص ميفرقش
لو اتقابلنا في زمن تاني يمكن مانقدرش
انتي كنتي الجو عشان بيتغير بالطقس
احنا الاتنين مالاول عارفين الغلط مالصح
بس كنا بنماطل زي ما حصل بالظبط
ودي الموسيقى , اللي حبيتيها
كان نفسي في حاجة جديدة اقدر اني احكيها
حبيتك مرتين بس كل ده كان ليه؟
بسأل نفسي كان فين ؟ كل اللي شوفته كان لين
في فضا كأنه كان دير , منايا
الحقيقة ان حبك ليا كان
Dare
معايا
ولو قولت دي مباشر مش هتكون كفاية
ف بلف بكلامي في دايرة , عشان مالوش نهاية
*دايرة عشان مالوش نهاية*
مواضيع قد تعجبك
