كلمات اغاني

كلمات اغنية مش مضمون – محمود العسيلي

انا مش مضمون مش كارت بتلعبي بيه

لما تعوزيه تخليه، تزهقي منه ترميه

من غير فوازير ولا ألغاز

مش هفضل صورة ف برواز

أو ضلّ خيال يوم تتجاهليه

وساعات تشوفيه

انا مش تمثال وبتختاري الألوان

في الآخر أنا انسان عمره ما يقبل يتهان

انا آسف مش هقدر اكون

الكارت السهل المضمون

انا كنت رهان بعمايلك دي انتي خسرتيه

وانا مش زعلان والله انا مش زعلان

أوقات بيبان ان الكسبان خسران

ومع الأيام حد بيرجع بجراح

ويعيش موجوع ندمان

والتاني يعيش مرتاح

يا ازاز مكسور وسنين انا ماشي عليه

يا جرح تعبت اداريه انا بعمل كل ده ليه

ويا قصر الوهم الملعون

بالحزن وبالخوف مسكون

هخرج للناس من بعد سنين عشتها مسجون

وانا مش زعلان والله انا مش زعلان

أوقات بيبان ان الكسبان خسران

ومع الأيام حد بيرجع بجراح

ويعيش موجوع ندمان

والتاني يعيش مرتاح

 

من كلمات: أمير طعيمه
ألحان: محمود العسيلي
توزيع موسيقي: رامي سمير

مواضيع قد تعجبك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى