كلمات اغنية انت الكبير غناء عبدالباسط حمودة مكتوبة كاملة
بيقولولى إنت الكبير والكبير مايقولش آه
شيلونى حمول كتير لاإنحنيت ولا قولت آه
اللى همه زاد فى قلبه يروح يفضفض للكبير
واللى عايز ينسى غلبه بيترمى فى حضن حضن الكبير
وإن غلطت فى يوم بكلمه
تلقى رد بألف كلمه
ويتحرق دمك بكلمة معلش ماإنت الكبير .
ياللا عدى . عشان تعدى . واللى ينسى .برضو عدى
ماإنت شيلت الحمل كله وقولت ماتشيلش حد
قدم إنت السبت كله حتى لو ملقيتش حد
اللى عايز حاجة منك لما يحتاجلك يجيلك
وإن وقعت يوم أراهنك لو لقيت واحد يشيلك
هى دى سُنة حياتك بس عند الله جزاتك
إوعى نزعل عاللى فاتك دانت مسنود عالكبير .
ياللا عدى . عشان تعدى . واللى ينسى .برضو عدى .
إفتكر أيوب فى صبره ومتفاصلش فى قسمتك
كل شيء بإيديه وأمره مش هتمشى بحسبتك
عشت وسط الناس تراضى وكنت راضى بالقسم
ياما شلت فوق كتافك لما ضهرك اتقسم
اللى عايز حاجة منك لما يحتاجلك يجيلك
وإن وقعت يوم أراهنك لو لقيت واحد يشيلك
هى دى سُنة حياتك بس عند الله جزاتك
إوعى نزعل عاللى فاتك دانت مسنود عالكبير .
ياللا عدى . عشان تعدى . واللى ينسى .برضو عدى .
مواضيع قد تعجبك
