كلمات اغنية انا دولة علي غزلان ومروة ناجي 2021
في البداية كل حاجة كانت مجرد اشتباه
بنت أرجل من الرجولة بتشقى جامد في الحياة
رايحة جاية وجاية رايحة مفيش ولا حاجة تهزها
بنت جدعة بتشتغل عشان تساعد أهلها
ترس داير في الحياة من البيت للجامعة لشغلها
فريدة تالتة حقوق وفاطمة أولى صيدلة
أختين جدعين بيشقوا على لقمة عيش حلال
على الحال ده كل يوم شايلين هموم جبال
والحياة دي متعبه بنلف جوا منها
الكل في ساقية داير ولا حد ارتاحلها
بعد يوم طويل ممل من المشاكل والتعب
ابتدأ فصل الحكاية والمضايقة والغضب
وسط الشوارع والطرق وازدحام بين الوشوش
كلام وبص وتعبيرات تضايق وقتها
كل نظرة واحدة منهم كانت بتجرح جسمها
كل شي عادي ومباح كل شيئ اصبح متاح
هو حاول يرضي نقصه لأنه أصلا فوضوي
هو شخص مريض بطبعه وعقله جاهل مش سوي
هي أقوى بإيمانها وبثقتها بنفسها
مش بميكب أو بمظهر أو بشكل لبسها
هو فاهم أنه صح وإن دي الرجولة
فريدة بنت بمية جدع صعب حد يمسها
هي أقوى بكيانها وقوية بطبعها
مش وسيلة ومش غرض هي ملكه نفسها
مش سلعة للتحرش هي حرة في أرضها
وقفت قدام الجبان عشان بتحمي عرضها
أنا قلبي مرفرف جناحاته
إنا كل معاني الحرية
مخلوقة أنا أصلا من أدم
وأتعامل بس بحنية
أنا سورة اتذكرت في قرآن
أنا أمك أختك أو بنتك
أنا دم ولحم شعور إنسان
مش هسمح حد يهين فيا
المرض مش عيب عشان فيه نفوس مريضة بطبعها
إزاي تلوم عليها تجيب العيب في لبسها
وعيونك طالعة نازلة من فوقها لتحتها
بتفصص كل حاجة وكل حته في جسمها
ماتجبش اللوم عليها وتقولي أصل هي
اللوم على اللي ربي وع النخوة والتربية
الواجب والرجولة أنك تكون دايما حاميها
وتدافع عن حقوقها وعن كيانها وعرضها
الجهل عنكبوت ومعشش في العقول
والكل مغمي عينه ومركب وش غول
لية بنحكم بالمظاهر والظواهر والسمع
لية واحدة بنت ناس تكون ضحية مجتمع
مرت سنين وعدت وفريدة اتخرجت
بقت محامية شاطرة وليها اسمها
ويوم عن يوم بتكبر وبتعلى بنفسها
بقى ليها كيان كبير وقيمة في مجتمع
بقى ليها صوت ورأي وكلامها بيتسمع
وفي يوم ملوش ملامح بتتعاد الرواية
نفس التفاصيل لكنه المجني مختلف
فاطمة بتدرس في جامعه كليك صيدلة
نفس الجريمة كاملة بنفس شرحها
يا بطل ياللي ماشي إيه يا بت آية الكلام
ما تقولي يلا رقمك ردي حتى السلام
يلا افتحيلنا سكة أو افتحيلنا باب
حرام كل الجمال ده يستخبى في الحجاب
واتقلبت القضية لقضية رأي عام
فاطمة اختارت المواجهة مسابتش حقها
كملت القضية ووكلت أختها واترافعت للمحاكمة تدافع عنها
عن حق كل بنت بتصرخ وصوتها بينتفض
الكل كان معاها واقفين ضهر وسند
الكل كان فخور وقام سقفلها
وخلصت المرافعة وانتصرت في النهاية
وهو نال جزاءه وخلصت الحكاية
أنا دولة باقية مهما يكون
وليا حدود وليا قانون
أنا قادرة أدافع عن حقي
وأغير كل شيء في الكون
أنا المعنى وتكوينه
أنا العالم وتأمينه
أنا ليا وضعي ومكانتي
ودوري في الحياة مضمون
