كلمات اغنية المدينة – زاب ثروت و ساري هاني مع إنجي نظيف
البوم المدينة 2018
صباح او مساء الخير حسب سماعك الاغنية
عن كل شخص قابلته في المدينة وباعك
او المدينة نفسها وكل ركن فيها
وزاوية لكل محطة مترو زحمة
او في اخر الخط خاوية
………………………..
لكل طفل راح مدرسته واتعلم بقا شاطر
لكل شاب في جامعة لكل محضراته حاضر
ولأحلامهم اللي طارت رغم السهر والتعب
لكل فرصة اتسرقت لكل حق اتنهب
………………………..
لكل فرد وذكرى كانوا جزء من المدينة
اللي لسه بنحبها رغم انها ضحكت علينا
من بعيد اكيد جمالها راح يسحر عينيك
مش لوحدك ياما غيرك داقوا سحرها قبليك
………………………..
اللي شاف في دروبها حلم وقال في يوم يقدر يطول
واللي عاش العمر كله في وصفها يقول
نام في أحلامه الجميلة راح يفوق على زيف وغش
اللي ساب الريف في بلده في المدينة هيبني عش
………………………..
المدينة بألف وش بتضحك بس في البراويز
ياما هديت من الرجال ياما ذلت مية عزيز
………………………..
مش بعيد اكون وحيد في وصفي وكلامي عنك
ياما غنولك اغاني وياما شهدولك لكنك
مش جميلة رغم زهرك او جمالك مش حقيقي
مش عميقة رغم سنك لو قارنت سني بيكي
او يمكن انا مش لاقكي وسط الزحمة والمساكن
او يمكن انا مش هاويكي مع اني فيكي ساكن
………………………..
بكفاياكم غش فينا اظهروا حقيقة المدينة
بكفاياكم غش فينا اظهروا حقيقة المدينة
