كلمات اغنية ابويا وامي محمد سلطان 2020
بقيت بموت لوحدي لما
مشيت يا أبويا ومشيتي ياما
ولا غريب ولا قريب بقي بيدق باب
حبايب بالكلام كله بحزني غاب
أنا أنا .. ضهري انحني
وعليا العالم بقي بيدوس
والله ما هاتعوضكو فلوس
ولا واحد هايعوضني
مين غيركو اللي هايسندني
طب مين اللي هايديني دروس
أنا أنا .. وربنا .. من بعدك يابا بقيت مقسوم
من بعدك ياما بشيل في هموم
من غيركم انا متعري
وآدي الأيام بتوّري
مين اللي ملوش في حياتي لزوم
أنا شعري شاب زادت حمولي
من بعدكو واقف بـ طولي
ولا بموت ولا بعيش وقلبي مش سليم
عرفت يعني إيه أحساس اليتيم
أنا أنا .. لو ميت سنة
هفضل محتاج طبطبة الإيد
وأنا عايش وسط الخَلق وحيد
البُعد خلاص قطعني غريب وقريب يوجعنى
من يوم ما مشيتوا مجاش العيد
أنا أنا .. وربنا .. والله وما ليكو عليا يمين
اليوم بيعدي عليا سنين
وغيابكوا بجد كسرني والحُزن بقي بيعصُرني
مش شايف غيركم ناس تانيين
