احمد فيلو

كلمات مهرجان فرصة تانية احمد فيلو

كلمات مهرجان فرصة تانية احمد فيلو

حياتي مسلسل دراما والمشاهد متعادين
و دوري في سيناريو الندامة إني أكون دايما حزين
نهايتوا هموت من عذابي أشكي بس ياناس لمين
دي قصة حياتي الأليمة الفرح يجي فين وفين
غم وكسرة نفس و 100 ضربة بتهدلي روحي
إنسان فاقد كل حياتوا أنا حتي قتلت طموحي
بفتكر انا عمري اللي انا عيشتوا وبزود في جروحي
إيه يا أحزان مالك لزقالي وحالفة إنك ماتروحي
تبدأ حكايتي إني شاب وكل همي إني أعيش
بعد ما خلصت جامعة قالوا يلا خش جيش
زادت همومي عليا وكل مرة أقول مفيش
قولت دي فترة وهتخلص برضه لا مبتنتهيش
بعد سنين الجيش أنا قولت أطلع وابتدي حياتي
أنا الدنيا دي هدتني وقولتلها إستقبلي ضرباتي
لسة طموحي جوايا ولسة العمر بحاله قصادي
لو كانت فرصة دي ضاعت مني هتتعوض ع العادي
شهادتي تجارة إنجليزي حتي تقديري إمتياز
وقولت أشوف أي شغلة قبل مرحلة الجواز

عرفت إني لازملي واسطة وإن مستقبلي باظ
رصيدي من الأمل بيخلص أيوا أوشك ع النفاذ
قالوا 100 وقعة وضربة دي بتقوي ومتهزش شاطر
هبدأ تاني وأقف ع رجلي أيوا أنا لازم أغامر
هعمل قرض صغير وأنا فهمان هكسب وهتاجر
و بإذن الله دي بداية وعمرها ما تكون الاخر
فتحت محل بقالة وقولت الله المعين
و جولي بتوع الإزالة قالوا تصريحك ده فين
يا باشا باكلها بعرقي طول حياتي ماشي يمين
خدوني وخدوا البضاعة هدوا حلمي في ثانيتين
طيب أحارب الناس ولا الدنيا ولا إاللي أذوني
ولا أفضل شغال طول عمري عشان أسدد ديوني
واخد قرض ولازم يتسدد علشان مضوني
كل الدنيا في عيني إسودت حتي الناس فرقوني
و منستش أنا حب عمري اللي جمبي من سنين
بس أنا صعب إني أكمل وأنا غرقان جوه دين
و اخر مكالمة ما بينا قولتهالها ف كلمتين
هتشوفي حالك وأنا مكتوبلي إني أعيش حزين
ببكي بموت مش قادر أنا عارف إنك حباني
بس أنا لو كملت يبقي بجد أنا شخص أناني
أنا مستقبلي متدمر وإنتي بعينك أهو شيفاني
هبعد لو ليا نصيب فيكي أكيد هرجعلك تاني
حزني ده سيطر عليا وصل لمرحلة إنهيار
طريقي إتسد ف وشي وقولت لازم أخد قرار
حياتي رفضاني وطريقي كله مليان بالدمار
رسالتي كاتبها بدمعي قبل ساعة الإنتحااار
قبل أما أقطع أنا شريانى وأسيب الدنيا وأغادر
قومت صحيت من نومي وقايم أنا مخنوق ع الاخر
لسة الدنيا بتدينى فرصة إني أرجع و أعافر
لو كان ده حقيقي أنا كنت هموت بس هموت أنا كااافر
بفكر في كل اللي شوفته فجأه بسمع صوت أذان
عرفت إن قربي لربي هو مصدر الأمان
لو مرة وقعت وفشلت لسة بدري حاول كمان
ولو ليك نصيب في أي حاجة
كنت أخدتها من زمان

مواضيع قد تعجبك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى