كلمات مهرجان طالع فوق محمود المهندس 2022
غداره الصحبه دي غداره فاكرين الغدر دا شطاره
في عز وجعي بعدو عني سبوني دموعي منهاره
اكمني كنت مخلص ليكو مهما تبيعو كنت شاريكو
روحو يالا مع السلامه انا خلاص هتبرع بيكو
حقي وقتي بجيبو فثانيه مخصم كل اخصام الدنيا
انا عايشها بحب الناس وانتو عايشنها بحاجه تانيه
مفيش مبدا مفيش سلكان كله وقت الضيقه بان
اللي كنت فاكره اخويا طلع واطي خسيس جبان
مفيش جدعان وقت شده صاحبك باعك بيك اتغده
ياصحاب فستك مركونه مش عايزكم من النهارده
انا طالع فوق فالسما هحدفلك النجوم فالسبت
فالارض عامل ملحمه فالضلمه عديت النفق
انا عالقمه وانتو فالنفق سقف طموحي عالي عندي هدف
انتو اخركو كلام عالورق دماغي شغاله وبتعمل قلق
مفيش افعال وصوت عالفاضي مين فيكو حمله يقف قصادي
وقت الفعل مفيش تنفيذ انتو في المجال احفادي
انا فالشارع واقف انزلي سلاحي متعمر ٩ مللي
قلبي ميت مش شاغلني هخليك تشوفني تجري مني
كلامي مكتوب بالشوت جن اعملك زار واطلع الجن
انتو نموس بقتله بيزن وسط الشارع هاكبر الفن
رئيس جناح هيئه الهجوم مربي سبع في اوضة النوم
اللي انتدبني يتجن يابني يسمع كلام ملهوش لزوم
انا هعمل طفره انا هعمل قلبان
بكره تشوفوني تقولو داللي كان
اللي كان صاحبنا فرقنا الزمان
خلاص النقص بان مفيش سلكان
هدخل عليكو بفراري اسمي هيسمع حواري
مش شايفكو دا قراري بعدي عنكو بمزاجي
تتر النهايه علطول معروف قلبكو سوده ومليها الخوف
كله بيضربني في ضهري ونفسي تلعبو عالمكشوف
انا مش ازاز عشان تكسروني انا دمعتي دايما فعيوني
بس بجد شكرا ليكو عشان انتو اللي غايرتوني
