كلمات مهرجان اربع عيوب – انا فى العذاب واخد تريند احمد موزة 2020
اربع عيوب خلو الصحاب اخصام بقت ليا
الدنيا ماشية معايا عند عمالة تتجاحد
حزب الاونطة مكبرنها فى حق بعضيكو
يكفينى بس السيرة والناس اللى حبانى
انا فى العذاب واخد تريند بقيت رقم 1
الدنيا ماشية معايا عند عمالة تتجاحد
ايام حياتى بزقها ريحة الهموم فاحت
الضحكة فين مشتاقلها مالوش ليه راحت
عايم مابين بحر الالم غرقان فى احزانى
تسالنى مالك اقول تمام وبكون واحد تانى
الفرحة مش بفلوس وكام والله يا زمانى
انا نفسى احط دماغى وانام من تفكيرى بعانى
انا كل مشكلتى انى قلبى نضيف وبزيادة
من كتر طيبتى بقيت كفيف وعملتوا سجاده
ليه يا صحبة عيبتى فى شخص ليكى رقبته سدادة
بدفع ضريبتى عشان جدع وبشيلها كالعادة
اربع عيوب خلو الصحاب اخصام بقت ليا
عشق الحريم والكيف وحب السيط ونقدية
عديتلهم عيشت بضمير مالقيتش اخوية
ضيعت علشانهم كتير ولا حسو يوم بيا
طالعين مصالح والجدع مش جاى وياكو
مين فيكو صالح دى المصالح بس لماكو
وقت الاصول بتحورو من اجل كام باكو
خاينين ودايما تنكرو فضل اللى علاكو
صحبتكو خط احمر خلاص بطلت اشكالكو
مبقتش بحضر اى قعدة تلم امثالكو
ده الغدارين لبسين وشوش فى الهرى مين شالكو
مش محبوبين متشرفوش مرض الغرور جالكو
هو انتو متعرفونا يا ناس بنفسيكو
علشان اقول ده مسمعين واشهد فى يوم ليكو
حزب الاونطا مكبرنها فى حق بعضيكو
ديما بنفسى وعمرى يوم مكنت يوم بيكو
انتو اتحرقتو يادوب عرفنا تماكو سبوبة
باين سوادكو فى القلوب نيتكو معيوبة
شغل الزمالة طلع اشتغالة غلطاتكو محسوبة
واصله الرسالة كلمه نداله ف وشوشكو مكتوبة
انتو الكلام وياكو مات خلصانة منهية
مبداكو كان مش ع الثبات حاسبنها مادية
اخر الطمع وصلكو فين عضيتو فى اديا
جدعان منين ده انتو اللى فيكو بتجيبوه فيا
انا جوه برا ثابت حضور تقديرى عدانى
النية صافية مفيش غرور والمولا علانى
انا مش هقول رقم واحد ولا اقول رقم تانى
يكفينى بس السيرة والناس اللى حبانى
مواضيع قد تعجبك
