كلمات شيلة البارحة عيسى ابراهيم
البارحه نومي على اكواع وكفوف
عن لذة المرقاد عيني عيوفه
يصدف لها عن لذة النوم صادوف
صادوفها قلبن كثيره اصدوفه
ان لف به في تالي الليل لافوف
ابعد كراها من اهمومن تلوفه
يطلع وينزل بي بعهنن من الصوف
عهنن تبلت كنة القيض صوفه
مرات يقف بي على شفه الخوف
في ماقفن كل الافاعي تحوفه
ومرات يمشي بي على درب معطوف
نهايته عن مابغيت معطوفه
ولدري يحصل ما يدور ورى نوف
والى يحده عن هوى نوف نوفه
راعي الجناح الى من الريش منتوف
في ماقفن حلت عليه المروفه
إيلاف ولاف بلى ولف مالوف
إيلافها زاد الكلوفه كلوفه
بينت متخفي وخفيت مكشوف
وحذفت نص الاوله من حروفه
لا تاقع الشبهه على حروف بحروف
واقف بميقاف يكلف وقوفه
والي يدبر والي الاقدار مشيوف
لو ساعه المقسوم غير معروفه
ولحدن قضى معظم حياته بلا ضروف
ولا كل رجال يجاحد ضروفه
وانا جحدت اللي من المتن للجوف
جحدت جرح يجرح الي يشوفه
والحذفه الي تلمس الجسم وتطوف
ما ضنتي نفسي عليها زهوفه
جحدتها لو جاتني مثلها الوف
مدام ماهي بالجبين محذوفه
ماني ضعيف اطرد ضعيفه ورى ضعوف
والفايته مالحق وراها حسوفه
من شان رجال مع الناس معروف
من شوفته تعرف بقايا وصوفه
يشوفه الي فاقد الشوف مايشوف
ونوب المفتح ياصله مايشوفه
عليك عرفه يراع العرف ليطوف
ون ماعرفته معرفتك معيوفه
سميت من ياقف مع الحق ملقوف
ومن لا يعرفه وش تسمي صنوفه
جلست خلا لو هي على راس شفشوف
اخير من مجلس تزانت ضعوفه
تمت ومايبقى النظر عنه مصروف
ونهاية الغزوه تسمى نكوفه
كلمات شيلة البارحة
شيلة : البارحة
كلمات : فرحان بن دبل العنزي
أداء : عيسى ابراهيم الأيداء
مواضيع قد تعجبك
