محتوي المقال
كلمات اغنية يا دنيا هاتي احمد السويسي
كتاب حياتي يا عين ماشفت زيه كتاب
الفرح فيه سطرين والباقي كله عذاب
يادنيا هاتي كمان هاتي، ما يهمكيش غدر حياتي
طول عمري صابر ع الأحزان، والدمع فعيوني ليلاتي
عذاب وهم وتوته توته، وآدي نهاية الحدوته
بدموع عنيا وأحزاني الدنيا راضيه ومبسوطة
يلااااااا يا فظيع
كتاب حزين كله مآسي، تأليف زمان غدار قاسي
الفرح سطر غلط مكتوب، لما الزمن كان يوم ناسي
مكتوب فأول صفحاته، واحد غريب وآدي حياته
حيعيش حزين ويسيبها حزين، إمضاء زمن وتحياته
كتب الزمان جواه همي، من غير مايرحم ويسمي
كتب عليا البكا والنوح، وهان عليه دمعي ودمي
الصحة دابت صفحتها، من الدموع لما قرتها
إستكترتها الدنيا زمان، ومن زمان مني خدتها
يادنيا هاتي كمان هاتي، ما يهمكيش غدر حياتي
يادنيا هاتي كمان هاتي، ما يهمكيش غدر حياتي
ما يهمكيش ما يهمكش
يادنيا هاتي كمان هاتي، ما يهمكيش غدر حياتي
مواضيع قد تعجبك
