كلمات الاغاني

كلمات اغنية مين فى دول احمد كامل 2021

كلمات اغنية مين فى دول احمد كامل 2021

بسرح ساعات .. وافتح صور أيام زمان
وبقول يا مين .. يصالحني ع الماضي اللي كان
وكتير بقول
قَلبي الحقيقي مين فـ دول
وازاي أعيش وانا مش مدي لنفسي الأمان
انا من زمان … فيه سر فـِ قَلبي ومدارية
انا مش انا … ده حد غيري انا ماشي بيه
زي اللي فاق
لقى نفسه مش جوة السباق
والعمر فات قدام عينيه وماعاش فيه

اخدتني مني الدنيا فجأة … وغربتني ما بين وشوش
وعرفت فيها الطيبين … والحزن حوّلهم وحوش
وبخش فـِ قَلبي كل يوم
امشي ما بين جرح وهموم
كان فيه هنا انسان جميل .. بسأل عليه ومابلقاهوش
محبوس فـِ روحك .. وش تاني بيداريك
ياما قولت آه .. ولا عمر حد حَس بيك
الناس تقول
انك تعيش فـِ الغربة خوف
طب تعمل اية لو تبقى الغربة عايشة فيك
طول السنين .. وانا ايد فـِ جنة وايد فـِ نار

وبقول بخير … وبخبي الجد فـِ الهزار
مابقاش فيه حيل
وماليش صحاب غيرك يا ليل
والليل طويل، ولا مرة جه بعده النهار

مواضيع قد تعجبك

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
%d مدونون معجبون بهذه: