كلمات اغاني

كلمات اغنية مورفين عمار حسني 2021

كلمات اغنية مورفين عمار حسني 2021

مافيش مسكن بقي بيأثر .. وصلتلي متأخر
بطلت عشان شوفتك ان انتي مش حباني ابطل
ميغركيش المنظر كل دول مجانين
ميغركيش الوقت انا شخص الليله بتكبرني سنين و سنين

بختي معرفنيش جدعان عرفني قله
حظي جلي سبعه مليار شخص و لبسني فيك انت
حبيت ف مرضي قلبو قلبي سرايا صفرا
مش عارف احبك ولا اسيبك شوفتي ازاي بقيت ف ورطه

انا مش بدمع ده الدخان طرفلي عيني
و مش مشتاقلك ده الكحول بس سك ف بيكويني
انا مش لاقيني .. حبيتك غربتيني
كنتي زي العرب خنتي و كنت انا لوحدي فلسطيني

حبوني بالشكل الي حبو يحبو بيه نفسهم
و انا مش اسف لو مكنتش الشخص الي اتهيألهم
انا ف جحيم .. ف عقلي في شياطين
يا تعلمني انام ازاي يا تزود جرعة المورفين

ذكائي رماني ف اخر اوضه فالمصحه
في وش جو دماغي ف غصب عني هصحي
زمايلي خلصو متبقاش غير ورق بفره
كل الطرق كانت بتودي لطبق الفركه

قلبي رماني جهنم كان بيحب شيطانه
في عينها سحر كل قلبك زي البيرانا
كانت جميله بس لما كات سكرانه
كل الطرق كانت بتودي للكرخانه

خلص الشتا و مشيو و معرفش راحو فين
علاء الدين فهم اخيرا انه مش مقام ياسمين
الشيله تقيله و احنا غلابه مش حمل الغرام
بتوع مغني و كلام معناش يكفي حتي حق احلام

بلعنا تعبنا و قولنا ان احنا بخير اسيدنا
و ان صوت الكسر ف روحنا كان بعبع و بيخوفنا
و ان حبايبنا سابتنا عشان ده كان ف مصلحنا
و ان الدنيا لطشتنا عشان كانت عاوزه تعلمنا

قفلو اغربه و مبقاش في لازمه انك تستني
لو عيشتك جوه دماغي يومين اخاف انك تتجني
حظي كده و حظك كده و غصب عني
يفضل الصعلوك صعلوك حتي لو طلعله جني

جميله زي الورده حزينه زي الناي
ده مش عتاب و انا مش بلومها لكن فهمني انساها ازاي
فكرني انا مين وقت ما يغلبني الحنين
يا تعلمني انسي الي فات يا تزود جرعة المورفين

ذكائي رماني ف اخر اوضه فالمصحه
في وش جو دماغي ف غصب عني هصحي
زمايلي خلصو متبقاش غير ورق بفره
كل الطرق كانت بتودي لطبق الفركه

قلبي رماني جهنم كان بيحب شيطانه
في عينها سحر كل قلبك زي البيرانا
كانت جميله بس لما كات سكرانه
كل الطرق كانت بتودي للكرخانه
قفل باب اوضته و طفي النور و استني ينعس
كان بيصبر نفسه بجملة “اهدي كابوس و مسيره يخلص”
شغل مزيكا رغم جمالها كات بتضايقه
ازاي حواليه كل البشر دي و لسه حاسس انه لوحده

نهش السهر ملامحه نحت حبايبه تحت عينه
مكنش بيتكلم لكن حكت كتير رعشة ايديه
افكار دماغه زي ما تقول كانت خرطوش
صعبت نفسه عليه عشان كل الي عازه مكنلهوش

مرساش لبر عشان القرش كان صياد
انا و انت مين و نساوي كام خسرانه ف لعبة البشوات
ما بينا بلاد .. بس البعيد ع العين مسابش القلب
كنا بخير من غير الناس ليه عملت ما بيننا حرب ؟

طفي المزيكا و غمض عينه اتمني ينعس
ده كابوس مسيره يخلص .. ده كابوس مسيره يخلص
غلبه التعب ف اتمني يغفل ثانيتين
مافيش مسكن بقي بيأثر زود جرعة المورفين

ذكائي رماني ف اخر اوضه فالمصحه
في وش جو دماغي ف غصب عني هصحي
زمايلي خلصو متبقاش غير ورق بفره
كل الطرق كانت بتودي لطبق الفركه

قلبي رماني جهنم كان بيحب شيطانه
في عينها سحر كل قلبك زي البيرانا
كانت جميله بس لما كات سكرانه
كل الطرق كانت بتودي للكرخانه

مواضيع قد تعجبك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى