حمزة نمرة

كلمات اغنية مسلسل سر الهي حمزة نمرة رمضان 2024

ياللي مستغرب قساوتي
خش شوف بعينيك حكايتي
شوف حكايتي من مرايتي
وقولي مين بدأ العدواة

سابو قلبي على البلاطة
سابو روحي على الحديدة
شالو من جرحي الخياطة
وزودولي جراح جديدة

أه يا قلبي ياللي شايل
ياللي وروك الهوايل
دايماً الطعنة اللي تيجي
من أعز الناس شديدة

خلاص بقيت على نور
وقلبي زيكوا مات
بكرة السنين هتدور
والعبرة بالنهايات

ذهب الدهب بالعقول
فرَق ما بين الاخوات
يا رب إيه حكمتك
وليه أنا بالذات
وليه أنا بالذات

لسة مستغربني تاني
حط كدة نفسك مكاني
خدت صدمة مزلزلاني
زعلي على قد الغلاوة

المواقف بينتلي
مين عليا ومين معايا
كل مشهد مستخبي
شوفته من كل الزوايا

آه يا ناس باعت ضميرها
آه يا دنيا اتقل خيرها
الفلوس طلعت حقيقي
للنفوس أوضح مراية

طلع اخويا وابن عمي
والغريب عليا
حتى اللي من دمي يا ناس
يتمنالي الاذية

اختبار فوق احتمالي
يا رب شديد عليا
محتار والسر الالهي
مش شايفاه عينيا
مش شايفاه عينيا

مواضيع قد تعجبك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى