كلمات اغنية مدينة الخطايا ام سي امين 2016 Mc Amin
عارف يابني لما كنت ماشي
في مدينة الخطايا لقيت ايه ورايا
افكار نوايا سودا عاوزة تفوت جوايا
و آدي الآية محطوطه مش مضبوطة
و الناس ضايعة مش مبسوطة ايه الحدوته
دماغي ضرب فيها اللهيب
ودا شي غريب اكيد مش عيب
الوضع مريب عجيب كل حاجة فيها تخريب
و بأسلوب من اساليب اساليبي
هتفهم كل حاجة مني بس ركز يا حبيبي
شوف كدا اللي بيحصل لما بتسمع الصفارة
وتلاقي خطايا على المدينة عامله غارة
و يروح مجال الرؤية من الغبارة
بالقطارة وحدة وحدة وهب تغمز السنارة
تفتح الستارة فجأة المسرح يبقى فاضي
حادي بادي من الناحية دي و الناحية دي
شالوا و حطوا كلوا على دي ومين البادي
محدش عارف كلوا اتجنن بقى مش هادي
أول قانون سيد الخطيئة الأعتراف
و الهروب مطلوب بس للضعاف
و الأقوياء لهم البقاء و الأحتراف
واللي يخاف ينشاف خواف لازم يكون شفاف
في مدينة الخطايا حاجات كتير موجودة
الشر هناك هواية انواعه مش محدودة
و الأبواب هناك مقفولة ناس مقتولة
في كل مكان اشكال مجهولة مش معقولة
مرة وحدة من الدخان ظهر الشيطان بدأ الجنان
و قال آن الآوان عشان اولع في المكان
زرع بذور الشر في القلوب
بدأ النفاق و الغدر يبان و الميزان خلاص مقلوب
ماتش الخير و الشر بدأ دلوقتي مع الصفارة
و الشيطان هوا الحكم ايه العبارة
حط الشر في الصدارة بجدارة
و الخير داق المرارة من ايه من الخسارة
بانت العبارة و الملايكة من حوالينا
اختفت من كل حتة في المدينة
بقت مدينة لعينة و انتهينا
و غرقت السفينة وكلوا قال مفيش حاجة في ايدينا
أول قانون سيد الخطيئة الأعتراف
و الهروب مطلوب بس للضعاف
و الأقوياء لهم البقاء و الأحتراف
واللي يخاف ينشاف خواف لازم يكون شفاف
مواضيع قد تعجبك
