كلمات اغنية لو كنت اكرم حسني و هيفاء وهبي 2021
لو كنت ارنب كان اكيد هايبقي الفيل صديقي
لو كنت مجلة كنت هاكون سمير مش هابقي ميكي
لو كنت خاتم طبعا كنت هاتألمظ عليكي
لو كنت جبل طارق انا كنت سألتك عن مضيقي
لو كنت مسابقة كنت هابقي مسابقة اختيار ملكات
جمال و اشوف بنات جمال و هناك انا هاشتكيكي
لو كنت كتاب انا كنت هابقي كتاب عن الجمال
لو في سؤال عن الدلع انا إجابة السؤال
لو كنت سكة هاكون يمين انا عمري ما أكون شمال
معادلة صعبة و حلها محتاج الف احتمال
لو كنت لعبة كنت هابقي عروسة باربي لابسة
بمبمي اما قلبي عمره ما يلعب بيه عيال
لو كنت يوم و فات كنت ابقي يوم تلات
مش عايز اكون كلام انا عايز اكون سكات
لو كنت هابقي حاجة مهمة من الحاجات
انا هابقي سمايلي فيس مكشر في جروب امهات
لو كنت قطة حلوة كنت هابقي اكيد سيامي
لو كنت حي اسكندراني كنت اختار ميامي
لو كنت فلفل احمر كنت هابقي قرن حامي
لو كنت بتفهم في الكلام يبقي هاتفهم كلامي
لو كنت اله حادة كنت هابقي حابة احط
حد لاي حد مش عاجبني و طظ ف الاسامي
لو كنت اكلة كنت هابقي بط بالفريك
عشان البط بالفريك مابيحبش شريك
لو كنت ورقة بتتمضي انا كنت هابقي شيك
لو شفت أي فرخة اكيد ساعتها انا هابقي ديك
لو كنت جيم مستحيل كنت ابقي ميكس
و احط اكس علي الولاد و هدخل اي بنت شيك
لو كنت يوم و فات كنت ابقي يوم تلات
مش عايزة اكون كلام انا عايزة اكون سكات
لو كنت هابقي حاجة مهمة من الحاجات
هكون سمايلي فيس مكشر في جروب امهات
لو كنت كرسي كنت هابقي كرسي الاعتراف
لو هابقي شكل هندسي هاميل للانحراف
لو كنت دفتر كنت هابقي دفتر انصراف
انا كنت هابقي حاجة جامده بين حاجتين ضعاف
لو كنت وجبة طبعا عمري ما كنت هابقي سوشي لا
اسف مالمسوشي او اقرب منه حتي
لو نطق قصادي عمري ما اكل منه حته
لو كنت عين مغمضة كنت ابقي بردو شايفة
لو كنت كلمة هابقي صادقة .. مش هابقي زايفة
لو كنت لمبة هكهربك و عليك مش هابقي خايفة
لو انت اكرم حسني لا معلش انا بردو هيفا
