اغاني مصريةكلمات الاغاني

كلمات اغنية شكرا يا ماما احمد مكي ونهال نبيل 2018

كلمات اغنية شكرا يا ماما احمد مكي ونهال نبيل 2018

حنان ملوش حدود اعظم انسانه في الوجود ماما
مهما هحكي اللي في قلبي واللي نفسي اقوله ليكي
مش هيطلع حتة نقطة في بحر احساسي ليكي

كان حلمك تبقي سعيدة وزوج حنون عليكي
تبنوا حياة جديدة وولادك حواليكي

ويدوب حققتي حلمك جه وهد البيت عليكي
فجأة راح سابك وحيدة وساب ولادك حتي ليكي
سابك محتارة وحزينة والولاد مسكين إيدكي

بقا عندك اختيار بيت جديد وفرصة تانية
او تعيشي عمرك وحيدة معا ولادك الصغار
مسؤولية صعبة جدا كنتي قد الاختبار
قولتي هختار ولادي ولو هربييهم في نار

من انهارده دول حياتي ومش هسيبهم مهما صار
واللي قالك ليه تضحي واللي قالك ده انتحار
واللي قالك بكره تيجي تندبي سؤء الاختيار

الولاد دول كانوا احنا انا واخواتي الكبار
قدرتي تعدي بينا وتربينا وده انتصار
وجاي اقولك ببتسامة من عندي شكرا يا ماما

يا امي دعوة حلوة منك وايديكي في السما
يسمع ربي منك وينورلي انا

دَعْوَةُ حلْوَةُ مِنْكَ وايديكي فِي السَّمَا
يَسْمَعُ رَبِّيٌّ مِنْكَ وينورلي انا

في اوقات كتير كانت الظروف واقفة ضدك
كنتي بتخبي علينا وتدخلي تبكي لوحدك

وأما يدخل حد فينا بتضحكي وتداري دمعك
بس كنت ببقا عارف مرة بالصدفة سمعتك

وقتها انا رحت حالف باللي خلقتني وبغلاوتك
اني ما هتغفل عيوني الا لو وفرحت قلبك

ويجي اليوم اللي تكوني فيه فخورة ان انا ابنك
لما بشوفك وانتي قاعده بفضل اراقبك من سكات
والاقي نفسي بقول لنفسي بحب فيكي كتير حاجات

لما بتحكي يوم ولادتي يوم ما خدتيني في اديكي
رحت حضناني بمحبة كل تعبك راح عليكي

قمتي بصالي في عنيا قومتي يومها سألتي نفسك
انت مين وهتبقي ايه يارب يطهرلي قلبك

كنت بهرب من ايدكي وياما بتدلع عليكي
لما احس بخوف وغربه بجرب واستخبى فيكي

لو يوم حسيت تعب جوه حضنك تحتويني
وبصوت حنون ودافي تدعي الرحمن يشفيني

ولما بنكسر والامل او افشل بيبقي فاني
بتقوليلي قوم وكمل قوم وحاول مره تاني

طول ما فيك الروح يا ابني قوم وحقق الاماني
ثق في ربك ثق نفسك قوم عشانك قوم عشاني

بسببك انتي بقيت اشطر طبعا دا انتي ست قيمة
كن كل اما اكبر شايفيك انتي ازاي عظيمة

دا انا مهما كبرت هاجي اوطي ع رجلك وابوسها
دا انتي امي وانتي عمري وكل حاجة حلوه حاسسها
من كل قلبي شكرا يا ماما

يا امي دعوة حلوة منك وايديكي في السما
يسمع ربي منك وينورلي انا

دَعْوَةُ حلْوَةُ مِنْكَ وايديكي فِي السَّمَا
يَسْمَعُ رَبِّيٌّ مِنْكَ وينورلي انا

اغنية شكرا يا ماما

كلمات: أشرف سليمان
ألحان و توزيع: شادى السعيد

مقالات ذات صلة

إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: