اغنية فيلم الخلية – بطولة احمد عز
كلمات اغنية شر و خير اصالة و محمود العسيلي
بنيجي للحياة صافيين بنسبة مية في المية
ولا حاقدين ولا كارهين، قلوبنا كأنها ميّة
و ف الدنيا نعيش ونشوف بشر أفعالها بتجنن
و ليه تقبل تعيش في الخوف، وسهل تعيشها متطمن
حياة حواديت، يا روحت يا جيت
وشر وخير وبينهم خيط، تشوفه بس لو حبيت
بنيجي الدنيا دي بمواعيد، ونمشي ف وقت متقدّر
ولو نحسبها صح أكيد هنرتاح في الحياة أكتر
ويعني خلاصة الموضوع، حياتك قطر وبيمشي
في سكة بيبقى فيها رجوع، وسكة تروح مترجعشي
حياة حواديت، يا روحت يا جيت
وشر وخير وبينهم خيط، تشوفه بس لو حبيت
انت عارف انت فاهم، انت قاري كل حاجة
ليه يسوقك بس غيرك؟ في الحياة بطّل سذاجة
جنة ايه اللي تروحها لو على حساب دم غيرك؟
لو كده أمّال ياعم النار دي معمولة لمين!
انت جيت الدنيا تبني مش تهد الكون بإيدك
انت تتعب طول جنونك والشيطان بقى هو سيدك
بعد لما العمر يمشي قولي يومها مين يفيديك
انت مش هتعيش حياتك بالمناسبة مرتين
مواضيع قد تعجبك
