كلمات اغنية شرغة الروح اسعد البطحري 2022
شرغة الروح
حادي العيس بالألحان دندن
صوب دارٍ لها الاشواق شدن
ما تقارن بباريس وبلندن
شرغة الروح والخاطر صلاله
هب يا كوسها البارد وغني
من طواريقي ولحني وفني
هيّض اللي لها شوقه يعني
كل حرفٍ سرى درب الأصاله
جنّة عمان مرتاع الخواطر
لي مزن غيثها بالخير ماطر
و الجبل بالزهر والنبت عاطر
وكل من جا ظفار ايطيب باله
لي وليفٍ بها غالي عليّه
طيب حشمه ولا مثله وزيّه
هو دواي ومن الخالق هديّه
والغرام اللذي مبغى بداله
من شوامخ ظفار ومن جبلها
والبوادي وظل السهل ظلها
والمدينة فكل شبرٍ محلها
عينها طيش قلبي واعتداله
هي حَليلة هواجيسي وبوحي
تسكن بوسط خفاقي وروحي
قربها الحلم وآمالي وطموحي
ووقتي بدونها يا ويل حاله
سيروبي جدى دار الجمايل
مَبرك الذود طيبات السلايل
والكرم سايلٍ سيل المخايل
عز يا طاري العز وقباله
