كلمات اغنية زمان المكايد صالح الهمامي 2022
مسراي فالقمــه بوقت الشدايــــد
ولا الرخـــــا مانــي مدور وراهـــــا
ان قلت يازايد تحيـــزم ب زايــــــد
وابشر بعزك فالجـــبال ومداهــــا
على النقا والطيب هاذي عوايـــد
واهل الردى مانفتكر في رداهـــــا
ماداني اهل المصلحه والحقايد
واهل النمايم والهروج وحداها
كلن على الثاني بيذكر نقايـــــــد
وربك على عبده بساتر خطاهـــا
ياليت لو يرجع ثمار الحصايـــد
وترجـّــع اليد البخيله عطاها
والخوه الي مابتجني فوايــــــــد
احسن لي الدرهم تعوض غثاها
ان قام حظي سقتها بالجـــلايـــد
وان طاح ياهل الطب هاتو دواها
الراس لامنه نــزل بالوســـايـــــد
ضاعت علومه بالردى لا وطاهــا
ماعاد شفنا للقصايـد فرايــــد
يرحمك يابن شايق الي جداها
عزي لوقتن شب نار الوقايــــد
فالجوف من فرقا الرجال وغلاها
هذا زمان كل يومـــه مكايد
يرفع هلايمها ويشهــر بلاهــــا
ياللاسف جتنا المصايب حشايد
قومن تشبه بالعذارا غطاهــا
راحو رجالن فالمواقف ســـنايـد
وجدي على زحول الرجال وصداها
