كلمات اغنية خاتم الاحباب اميمة طالب
خاتم الأحباب
حبيبي لا حبيب الا حبيبي خاتم الأحباب
أشوفه خامس الأربع جهات وثامن اعجوبه
من يقول المحبه للحبيب الأولي كذاب
علاقاتي مع احبابي ذنوب وحبه التوبه
تمر اسماء غيره مالها موقع من الإعراب
ويمر اسمه سحابه في جفاف الروح مسكوبه
كثر ما مر السما دعوة من المحراب
واحبه كثر ما طالت على المتردد دروبه
واحبه كثر ما كان العدو واحد من الأقراب
كثر ما يقسى على المحبوب محبوبه
واحبه كثر ما تقفل بوجه الكادحين ابواب
واحبه كثر ما كف الكريم تفتش جيوبه
كثر ما مات الضمير وعاشت الألقاب
واحبه كثر ما شفنا حقايق صارت اكذوبه
حب لو تطري تفاصيله على الكتاب
يخلي كل قصة حبيبي في التاريخ مشطوبه
