كلمات اغاني

كلمات اغنية جيمس دين كايروكي 2022

كلمات اغنية جيمس دين كايروكي 2022

انا وهي عايشين في فيلم سيما
الصورة ريترو والالوان جميلة
متمردين عالفاضي بدون قضية
بندوس بنزين جامد جامد جامد عشان نهرب من الدنيا ديه
انا وهي جينا في وقت غير الوقت
وعشان كدة مقضينها سوا شد وخبط
بنهرب من نفسنا بنجرب ولسه بنخاف
وفي حياه جوانا لسه معشنهاش

معاكي بنسى انا مين
بحس ان انا جيمس دين
عربية كابريوليه موديل ستين
و ايديكي مرفوعه في الهوا
و شعرك بيطير

انا و هي عايشين جوة اغنية
راديو قديم مفيش غنوة تشبة التانية
الصوت بيخروش جامد جامد بس المزيكا حقيقية
بيغنوا عن الورد و الشمس والرومانسية
انا و هي معيوبين في دنيا مثالية
الناس لابسة وشوش ووراها مستخبية
اول مرة اكون انا من سنين
انا عندي ماضي وعندها و مش مكسوفين

معاكي بنسى انا مين
بحس ان انا جيمس دين
عربية كابريوليه موديل ستين
و ايديكي مرفوعه في الهوا
و شعرك بيطير

بحبها حب الناس بطلوا يصدقوه
جبتلها قلب وقسمناه اتنين
كتبنا اسامينا وعملناها تاتو
زي الافلام هربنا سوا و مش راجعين

معاكي بنسى انا مين
بحس ان انا جيمس دين
عربية كابريوليه موديل ستين
و ايديكي مرفوعه في الهوا
و شعرك بيطير

مواضيع قد تعجبك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى