البوم الإخفاء
اغنية تسكر تبكي
كلمات :ميدو زهير
ألحان و توزيع – مريم صالح – موريس لوقا – تامر أبو غزالة
لجل العشق ف بختَك ميل
تسكر تبكي زي العيل
لجل الصُبح ف عِينك لَيل
تسكر تبكي زي العيل
لجل دماغك مش مظبوطة
ولجل الحلوة كانت شرموطة
ولجل مُغَفل ف الحدوتة
ولجل علامك لسة قلَُيل
تسكر تبكي زي العيل
لجل الصُحبة كانت قَحبة
ولجل الضِحكة طِلعت ناحبة
ولجل و شوش الماضي الشاحبة
سايبة ف قلبك جَرح مِسَيل
تسكر تبكي زي العيل
ورغم دا كُله برضك حاسس
إن الحب الفرض السادس
لأ والأدهى ف أصغر حادث
تجري تروح سكران متنيل
تُقعُد تبكي زي العيل
وتقول أمك ماتت بدري
لجل بلادك كيفها الحُزن
وان صحابك عشقوا صبايا
وانت عشِقت عرايس قُطن
ياللي الدمعة ف عينك طوبة
وانت ف قلبك طارح غُصن
رفيق السُكر ماكان مُتخيل
تسكر تبكي زي العيل
مواضيع قد تعجبك
