كلمات اغنية باسم ناهس هيبة الدار جفران ابن هضبان 2022
دق سلف اللي تجمرك مع الميناء جديد
لكزس(ن) توه ورد مابعد لمس الثرا
كن لونه تحت نور القمر قطعة جليد
وابرحية داخله كنه ديوان اوزرا
من يبيعه قيمته تدبل اصفار الرصيد
ومن شراه فشيك فالجيب وابرك من شرا
ننهزه في شان ابن عم وحزام وعضيد
خل عنك اللي برا الشوق حاله وانبرا
لا استوالك خط بيشه على صافي الحديد
قربت الدار البعيده ليا منه سرا
في حفل من مثل شرواه يزهاه القصيد
ابلجن يقدم على الصعب مايرجع ورا
في ملمات الدهر مثل سيف ابن الوليد
بادي باسم القبيله على قمة كرا
ياولد من منه روس الاكابر تستفيد
عودن انماري بطاريه لا منه طرى
ينهي كبار الخلافات بالراي السديد
عنك من يزبن على الضلع بيعين ذرا
مرحبا باسم ال جخدب مطوعة العنيد
لابتن ماهيب تقصر ليا رد البرا
ومرحبا باللي لفى الحفل مليون وتزيد
فالكم طيبن يذعذع وحشون تنحرا
باسم ناهس هيبة الدار والمجد التليد
لابتن في قمة المجد م معها خشرا
يثبت التاريخ ويبتّ بالعلم الاكيد
يسمع اللي يسمع وفيه يقرا من قرا
حن هل الفعل المسمى وحن ضد الضديد
قد بذلنا غالي الروح دون ام القرى
حن جبالن توزن الارض لا يمكن تحيد
م هي اجبالن من العشب تكسى وتعرا
وشهران اهل المحازم مزبنة الطريد
عندهم يامن على الروح من عقب الزرا
يوم كان الوقت حوّاج والمدخل زهيد
ضيفهم يلقى التراحيب ويعين قرا
كم عقيدن قد غزاهم يبي خضر الجريد
واحتموا هدب الجرايد مع حم الذرا
