كلمات الاغاني

كلمات اغنية انا الشقيان محمد سلطان 2021

كلمات اغنية انا الشقيان محمد سلطان 2021

انا الشقيان انا الشبعان
انا واحد من الجدعان
في اي مكان ماشي بسلكان
انا طيب اووي وانسان
انا اللي سايبها ع المولي
واللي مع الكريم كسبان
شهامتي وارثها من جدي

وحلو ومر بيعدي
اموت ولا اني اشوف يدي
بتتمد لخسيس وجبان
بقوم الصبح اروح شغلي
علي يميني وماشي دوغري
ابويا أسسني من صغري
وقالي مجيش علي الغلبان
بفضل الله
انا اجدع واحد ممكن تتعامل وياه
انا حد في أي ظروف كتف بكتف هتلقاه
انا واحد شاري الآخرة ورامي الدنيا وراه
بجد فخور
مش طالب غني ولا سيط انا 100 فل ومستور
انا دايماً اكبر ناسي وقبل ما اخطي بشور
وبحب النية السالكة محبش الف وادور
اماشي رجال بكلها حلال
انا مبحبش البطال
رضيت بالحال وعال العال
كفايا عليا راحة البال
انا مبجيش علي كرامتي
ومش فارقة يغور المال
انا اللي باكلها بجبيني
واللي في أيدي مالي عيني
مقولش لحد يديني

عشان ذل السؤال قتال
انا اللي سايبها علي ربي
اصيل ع الهيبة متربي
لا بعرف أشيل ولا بخبي
عشان أنا قلبي مش شيال

مواضيع قد تعجبك

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
%d مدونون معجبون بهذه: