إذا تقدر على الفرقا أنا ما عندي أي مانع
ولكن شيل من بالك تجي وتقول ما أقوى
متى ما رحت لا ترجع وأنا ماني بعد راجع
ترى من راح من كيفه له النسيان والسلوى
مصيرك وانت اخترته وهذا فعلاً الواقع
[ads1]
ترى ما عاد في عمري من الحاجات ما يسوى
تفضل كمل الباقي وورني سرك الباتع
تفاصيل الكلام أحيان ما منها أبد جدوى
ولكن احسب حسابك تراني شيف وسامع
وإذا حنيت لي باكر بتلقى أجواء غير أجواء
إذا سويت ما سويت ومهما كان لك دافع
ومن يرخصني أرخصته وعندي صفحته تطوي
[ads2]
تراها وحدة بوحدة وترى درب الجفا واسع
وماني واقف بدربك ولكن لله الشكوى
